சிலாபம் பெருந்தோட்டம் நிறுவனத்திற்குச் சொந்தமான புத்தளம் தம்பபண்ணி பகுதியில் நேற்று இரவு பாரிய தீ ஏற்பட்டுள்ளது.
இதனையடுத்து அங்கிருந்தவர்களினால் உடனடியாக புத்தளம் மாவட்ட அனர்த்த முகாமைத்துவ மத்திய நிலையத்தினருக்குத் தகவலை வழங்கியுள்ளனர்.
புத்தளம் மாவட்ட அனர்த்த முகாமைத்துவ மத்திய நிலையத்தின் பணிப்புரைக்கமைய புத்தளம் நகரசபை தீயனைப்புப் படையினர், தப்போவ இராணுவத்தினர் மற்றும் தோட்டத்தில் பணிபுரியும் ஊழியர்கள் இணைந்து தீயினைக் கட்டுப்பாட்டுக்குள் கொண்டு வந்தனர்.
இதன்போது சுமார் 25 ஏக்கருக்கும் அதிகமான நிலப்பரப்பு தீக்கரையாகியுள்ள நிலையில் தென்னை மரங்கள், மரமுந்திரிகை மரங்கள் மற்றும் பயனதரும் பல மரங்களும் தீக்கரையாகியதாக பொலிஸார் தெரிவித்தனர்.
குறித்த தீப்பரவியமைக்கான காரணம் இதுவரையிலும் கண்டரியப்படவில்லையென்றும் சம்பவம் தொடர்பில் விசாரணைகளை மேற்கொண்டு வருவதாக புத்தளம் பொலிஸார் தெரிவித்தனர்.
