கதையை மாற்ற சொன்ன சூர்யா; உள்ளே வந்த சிவகார்த்திகேயனுடனும் முரண்பட்ட சுதா கொங்கரா

சிவகார்த்திகேயன் மற்றும் சுதா கொங்காரா கூட்டணியில் புறநானூறு திரைப்படம் உருவாகவுள்ளது. முதலில் புறநானூறு திரைப்படத்தில் சூர்யா தான் நடிப்பதாக இருந்தது. அதன் பிறகு கதையில் சூர்யா சில மாற்றங்களை கூறியதாகவும், சுதா கொங்கரா செய்த மாற்றங்களில் சூர்யாவிற்கு உடன்பாடு இல்லை என்பதாலும் இப்படத்திலிருந்து சூர்யா விலகியதாக சொல்லப்படுகின்றது.

சூரரைப்போற்று என்ற தேசிய விருது பெற்ற படத்தை கொடுத்த இந்த காம்போ பிரிந்தது சூர்யாவின் ரசிகர்களுக்கு ஏமாற்றமாகவே அமைந்தது. அதையடுத்து சூர்யாவிற்கு பதிலாக இப்படத்தில் சிவகார்த்திகேயன் நடிக்க இருப்பதாக தகவல்கள் வந்தன. மேலும் சிவகார்த்திகேயனின் 25 ஆவது படமாக இப்படம் உருவாக இருப்பதாகவும் சொல்லப்பட்டது.

SK25 என அழைக்கப்படும் இப்படத்தில் சிவகார்த்திகேயனுடன் இணைந்து ஜெயம் ரவி , அதர்வா, ஸ்ரீலீலா என பலர் நடிக்கவுள்ளதுடன்,ஜீ.வி.பிரகாஷ் குமார் இந்த திரைப்படத்திற்கு இசையமைக்கிறார் . மிகப்பெரிய நட்சத்திர பட்டாளங்களுடன் உருவாகும் இப்படத்தின் ப்ரோமோ ஷூட் 03.12 நடைபெற்றதாம். அந்த டெஸ்ட் ஷூட்டின் போது இயக்குனர் சுதா கொங்கராவிற்கும் சிவகார்த்திகேயனும் மோதல் ஏற்பட்டதாகவும், சிவகார்த்திகேயன் ஷூட்டில் இருந்து வெளியேறியதாகவும் ஒரு தகவல் தீயாய் பரவி வருகின்றது.

சிவகார்த்திகேயன் தற்போது SK23 படத்திற்காக தாடி வைத்துள்ளார். ஆனால் சுதா கொங்கரா ப்ரோமோ ஷூட்டிற்காக தாடியை எடுக்குமாறு கூறியிருக்கின்றார். இந்த விஷயத்தில் தான் இருவருக்கும் மோதல் ஏற்பட்டதாக சொல்லப்படுகின்றது. இதன் காரணமாக படப்பிடிப்பு தளத்தில் இருந்து சிவகார்த்திகேயன் கோபமாக வெளியேறியதாகவும் சொல்லப்படுகின்றது. ஆனால் இந்த தகவல் எந்தளவிற்கு உண்மை என தெரியவில்லை.

இது வதந்தியாக இருந்தால் நன்றாக இருக்கும் என்பது தான் சிவகார்த்திகேயனின் இரசிகர்களின் எண்ணமாக உள்ளது. அப்படியே இந்த பிரச்சனை உண்மையாக இருந்தால் விரைவில் சுமுகமான முடிவு எட்டப்பட்டு இந்த படத்தின் ப்ரோமோ ஷூட் துவங்கவேண்டும் என்கின்றனர் இரசிகர்கள். ஆனால் இத்தகவல் உண்மையா ? இல்லை வதந்தியா ? என உறுதியாக தெரியவில்லை.

இந்நிலையில் சிவகார்த்திகேயன் தற்போது ஏ.ஆர் முருகதாஸ் இயக்கத்தில் SK23 திரைப்படத்தில் நடித்து வருகின்றார். இப்படத்தை தொடர்ந்து சிபி சக்ரவர்த்தி இயக்கத்தில் ஒரு படத்தில் நடிக்கவுள்ளார். அப்படத்தில் நடித்துக்கொண்டிருக்கும் போதே SK25 திரைப்படத்திலும் நடிக்க முடிவெடுத்திருக்கிறார் சிவகார்த்திகேயன் என்பது குறிப்பிடத்தக்கது.