மட்டு நகரில் பிரதான சுற்று வட்டத்தில் காலை 10.00 மணியளவில் விபத்து ஒன்று ஏற்பட்டுள்ளது.மட்டக்களப்பு பேருந்து நிலையத்திலிருந்து பிரதான சுற்றுவட்டத்தை நோக்கி வந்த மோட்டார் வாகனமும் அதனை பின் தொடர்ந்து வந்த காருமே இவ்வாறு விபத்திற்குள்ளாகியுள்ளன.
சுற்று வட்டத்தின் வலப்பக்கமாக வந்த வாகனத்திற்கு முன்னுரிமை கொடுக்க மோட்டார் வாகனத்தை நிறுத்தியபோது பின்னால் வேகமாக வந்த கார் திடீரென வேகத்தை கட்டுப்படுத்த முடியாது மோதுண்டுள்ளது என சுற்றி இருந்த பொதுமக்கள் தெரிவித்தனர். விபத்திற்குள்ளானவர்களுக்கு எந்த வித ஆபத்தும் இல்லாத நிலையில் வாகனங்களுக்கு மாத்திரமே சிறிதளவு சேதம் ஏற்பட்டுள்ளமை குறிப்பிடத்தக்கது.
