எதிர்வரும் பண்டிகைக்காலத்தை முன்னிட்டு மேல் மாகாணத்தில் விசேட பாதுகாப்பு ஏற்பாடுகள் மேற்கொள்ளப்பட்டுள்ளதாக பொலிஸ் ஊடகப் பேச்சாளர் தெரிவித்துள்ளார்.
அதன் பிரகாரம் மேல் மாகாணத்தின் பாதுகாப்புக்காக 6 ஆயிரத்து 500 பொலிசார் விசேட பாதுகாப்புக் கடமைகளில் ஈடுபடுத்தப்படவுள்ளனர்.
அதற்கு மேலதிகமாக பண்டிகைக்காலத்தை முன்னிட்டு நாடு முழுவதும் 40 ஆயிரம் பொலிசார் விசேட கடமைகளில் ஈடுபடுத்தப்படவுள்ளனர்.
இவர்களில் புலனாய்வு உத்தியோகத்தர்களும் உள்ளடங்குவதாக தெரிவிக்கப்பட்டுள்ளது.
பண்டிகைக்காலத்தில் எந்தவொரு அசம்பாவிதமும் நடக்காத வகையில் பொதுமக்களுக்கு பாதுகாப்பு வழங்குவது இதன் நோக்கமாகும்.
