கண்டி ஸ்ரீ தலதா மாளிகை பொலிஸ் நிலையத்தில் கடமையாற்றும் பொலிஸ் கான்ஸ்டபிள் ஒருவருக்கு சொந்தமான ATM அட்டையை திருடி 105,000 ரூபாவை மீளப் பெற்றார் என்னும் (பண மோசடி) குற்றச்சாட்டின் பேரில் அதே பொலிஸ் நிலைய கான்ஸ்டபிள் ஒருவர் சந்தேகத்தின் பேரில் கைது செய்யப்பட்டதாக கண்டி தலைமையக பொலிஸார் தெரிவிக்கின்றனர்.
கைது செய்யப்பட்ட சந்தேக நபர் திருடப்பட்ட ATM அட்டையை பயன்படுத்தி மீளப் பெற்றதாகக் கூறப்படும் பணத்திலிருந்து 75,000 ரூபா கண்டுபிடிக்கப்பட்டதாக கண்டி தலைமையக பொலிஸ் அதிகாரி ஒருவர் தெரிவித்துள்ளார்.
சந்தேக நபரை நீதிமன்றில் ஆஜர்படுத்துவதற்கான ஏற்பாடுகளை கண்டி தலைமையக பொலிஸார் மேற்கொண்டு வருகின்றனர்.
