மட்டக்களப்பு கலைஞர்களால் உருவாக்கப்பட்ட நகைச்சுவை திரில்லர் திரைப்படமான “கலாட்டா பேரின்ப சுற்றுலா” (GPS) இன்றையதினம் (29) விஜயா திரையரங்கில் திரையிடப்பட்டது.
இத்திரைப்படமானது அனைவருக்கும் கல்வியை வழங்குவதற்கான முக்கிய செய்தியைக் கொண்டுள்ளது.
மீன் மகள் தயாரிப்பு நிறுவனம் மற்றும் ஆனா கலையகம் இணைந்து தயாரித்த இத்திரைப்படத்தை கிரேசன் பிரசாந்த் இயக்கியுள்ளார்.
ஏ.ஜே.ஷங்கர்ஜன் திரைப்படத்தின் பாடல்களை இசையமைத்துள்ளதுடன் பாடல் வரிகளை ஆல்ட்ரின் கீட்ஸ் கென்னடி மற்றும் சனாஷ் அலோசியஸ் மனோராஜ் ஆகியோர் எழுதியுள்ளனர்.
திரைப்பட வெளியீட்டு நிகழ்விற்கு மட்டக்களப்பு மாவட்ட அரசாங்க அதிபர் திருமதி.கலாமதி பத்மராஜா அவர்கள் கலந்து சிறப்பித்திருந்தார். மேலும் மட்டக்களப்பு மாவட்ட அபிவிருத்தி குழுத்தலைவர் திரு . சிவநேசதுரை சந்திரகாந்தன் அவர்கள் கலந்து கொண்டு ஊடகங்களுக்கு கருத்து தெரிவிக்கையில் இவ்வாறான திரைப்படங்கள் இனிவரும் காலங்களில் வெளிவர வேண்டும் எனவும் அவை பல கலைஞர்கள் உருவாக வழி வகுக்கும் எனவும் தெரிவித்தார்.
திரைப்படத்திற்கான விரிவான விமர்சனங்களை கீழுள்ள லிங்க் ஐ கிளிக் செய்து பார்வையிடுங்கள்.
