கடந்த 2024ஆம் ஆண்டின் முதல் 10 மாதங்களில் மதுபான நுகர்வு 9.5 சதவீதத்தால் வீழ்ச்சியடைந்துள்ளதாக நிதி அமைச்சு தெரிவித்துள்ளது.
முந்தைய ஆண்டுடன் ஒப்பிடுகையில் இந்த மாற்றம் பதிவாகியுள்ளது.
மதுவரி 14 வீதமாக அதிகரிக்கப்பட்டமையினால் இந்த வீழ்ச்சி ஏற்பட்டுள்ளதாக தெரிவிக்கப்படுகிறது.
கடந்த 2023ஆம் ஆண்டில் 28.2 மில்லியன் லீட்டராக காணப்பட்ட மதுபான நுகர்வானது 2024ஆம் ஆண்டில் 27.2 மில்லியன் லீட்டராக வீழ்ச்சியடைந்துள்ளது.
எவ்வாறாயினும், 2024ஆம் ஆண்டின் முதல் 10 மாதங்களில் மாத்திரம் 167.7 பில்லியின் ரூபா மதுவரி வருவாய் கிடைக்கப் பெற்றுள்ளதாக மதுவரித் திணைக்களம் தெரிவித்துள்ளது.
இது முந்தைய ஆண்டுடன் ஒப்பிடுகையில் 20.8 சதவீத அதிகரிப்பு என்பதுடன், கடந்த 2023ஆம் ஆண்டின் இதே காலப்பகுதியில் மதுவரி வருமானம் 138.8 பில்லியன் ரூபாயாக பதிவாகியிருந்ததாகவும் தெரிவிக்கப்பட்டுள்ளது.
