மனித விற்பனைக்கு எதிரான தினத்தை அனுஷ்டிக்கும் முகமாக நேற்றைய தினம் 04/08/2023 (வெள்ளிக்கிழமை) திருகோணமலை மாவட்டத்தில் IOM நிறுவனத்தின் நிதி அனுசரணை யின் கீழ் AMCOR தேசிய தன்னார்வ தொண்டு நிறுவனத்தினால் “மனித வியாபாரத்திற்கு எதிராக செயல்படுதல் மற்றும் மாற்றத்தை உருவாக்க அரசு மற்றும் சிவில் சமூக அமைப்புக்களை வலுவூட்டும்” திட்டத்தின் கீழ் ஏற்பாடு செய்யப்பட்ட நடைபவனியானது திருகோணமலை மத்திய பேருந்து நிலையத்திலிருந்து ஆரம்பமாகி நகர சபை வரை இடம்பெற்றது.
AMCOR நிறுவனத்தின் ஸ்தாபகரும் நிறைவேற்று பணிப்பாளருமான திரு ப.முரளிதரன் தலைமையில் ஆரம்பமான இன் நிகழ்வின் பிரதம அதிதியாக கிழக்கு மாகாண உதவி பிரதம செயலாளர் திரு.H.M.L.N. குமார அவர்களும் , கிழக்கு மாகாண உயர் அதிகாரிகளும் கலந்து சிறப்பித்ததுடன் மனித விற்பனைக்கு எதிரான ஓவிய போட்டியில் கலந்து வெற்றியீட்டிய அரச உத்தியோகத்தர்களுக்கு பெருமதியான பரிசில்களும் வழங்கப்பட்டது.
