கிழக்கு மாகாண இளைஞர் யுவதிகளுக்கு சர்வதேச நீச்சல் பயிற்றுனரினால் நீச்சல் பயிற்சிகள் மட்டக்களப்பு வெபர் நீச்சல் தடாகத்தில் வழங்கப்பட்டது.
மட்டக்களப்பு மாவட்ட மேலதிக அரசாங்க அதிபர் திருமதி சுதர்ஷினி ஸ்ரீகாந்த் தலைமையில் மாவட்ட விளையாட்டு அபிவிருத்தி உத்தியோகத்தர் எம்.வை. ஆதம்லேப்பை ஏற்பாட்டில் இந் நிகழ்வு இன்று (09) இடம் பெற்றது.
கொழும்பு விளையாட்டு அபிவிருத்தி திணைக்களத்தின் ஏற்பாட்டில் சோல்வ் பவுண்டேசன் (Solve Foundation ) அனுசரணையில் இடம் பெற்றது.
இப் பயிற்சிப் பாசறையின் பிரதான பயிற்றுனராக அவுஸ்ரேலியாவைச் சேர்ந்த சிட்னி ஒலிம்பிக் பார்க் பயிற்றுனர் பஞ்சரத்தினம் தம்பு மேற்கொண்டு இருந்தார்.
கிழக்கு மாகாணத்தில் உள்ள தெரிவு செய்யப்பட்ட, நீச்சல் பயிற்றுவிப்பாளர்கள்,உயிர்க்காப்பு நீச்சல் கற்கை நெறியை நிறைவு செய்த நபர்கள் மற்றும் நீச்சல் வீரர்களுக்கு நீச்சல் தொழில் நுட்பங்கள் மற்றும் பயிற்சிகள் இதன் போது வளவாளரினால் வழங்கப்பட்டது.
சிறந்த நீச்சல் வீரர்களை உருவாக்குவதற்கு இவ் பயிற்சி உதவுவதுடன் எதிர் காலத்திலும் இவ்வாறான பயிற்சி பாசறைகள் இடம் பெறவுள்ளது. பயிற்றுவிப்பில் கலந்து கொண்ட பயிற்றுனர்கள் மற்றும் நீச்சல் வீரர்களுக்கு பெறுமதியான சான்றிதழ்கள் வழங்கிவைக்கப்பட்டது.
இந் நிகழ்வில் மட்டக்களப்பு மாவட்ட விளையாட்டு உத்தியோகத்தர் வி.ஈஸ்பரன்,விளையாட்டு அபிவிருத்தி உத்தியோகத்தர்கள் உட்பட பல அதிகாரிகள் பங்கேற்றனர்.
