தளபதி – 68 படத்தில் நடிகர் விஜய் இரட்டை வேடத்தில் நடிக்கவுள்ளார். இதில் ஒரு கதாபாத்திரத்திற்கு ஜோடியாக நடிகை ஜோதிகா நடிக்கவுள்ளார் என்று ஒரு தகவல் வெளியாகியுள்ளது.
விஜய் நடித்து வரும் 67ஆவது திரைப்படம் ‘லியோ’. இந்த படத்தை லோகேஷ் கனகராஜ் இயக்கி வருகிறார். இந்த படத்தின் மூலம் நடிகர் விஜயுடன் லோகேஷ் 2ஆவது முறையாக கூட்டணி சேர்ந்துள்ளார். இந்தப் படத்தின் படப்பிடிப்பு இறுதி கட்டத்தை எட்டியுள்ள நிலையில், வரும் ஒக்ரோபர் மாதம் படத்தை வெளியீடு செய்ய வாய்ப்பிருப்பதாகவும் தகவல்கள் வெளியாகியுள்ளன.
