இந்தியாவில் மட்டும் ஆண்டுக்கு 420 மில்லியனுக்கு அதிகமான பயனர்கள் ஆன்லைன் கேம்களை விளையாடுவதாக தரவுகள் கூறுகின்றன. அதிலும் அதிகமாக Battle Ground சார்ந்த ஆன்லைன் விளையாட்டுகளில் இந்தியர்கள் அதிகம் ஆர்வம் காட்டி வருகின்றனர். அப்படி இந்தியர்கள் மத்தியில் பிரபலமாக வலம் வந்த ஆன்லைன் விளையாட்டுகளில் முக்கியமானது PUBG , Garena Free Fire போன்றவை. கடந்த ஆண்டு பிப்ரவரி மாதம் நாட்டிற்கு அச்சுறுத்தல் என்ற அடிப்படையில் இந்த விளையாட்டுகள் உட்பட பல்வேறு வெளிநாட்டு செயலிகளை இந்தியாவில் தடை செய்தது இந்திய அரசாங்கம்.
இந்த Garena Free Fire, BGMI உள்ளிட்ட கேம்கள் இந்தியாவில் மில்லியன்கணக்கான இளைஞர்களால் விளையாடப்பட்டு வந்தன் நிலையில் அவற்றின் திடீர் முடக்கம் பலரையும் அதிர்ச்சியில் ஆழ்த்தியது. ஆனால், சமீபத்தில் BGMI கேம் மீதான தடை நீக்கப்பட்டு இந்தியாவில் மீண்டும் விளையாட அனுமதிக்கப்பட்டு விட்டது. இந்நிலையில் Garena Free Fire ஆன்லைன் விளையாட்டும் தற்போது Free Fire என்ற பெயரில் மீண்டும் இந்தியாவில் வெளியாக உள்ளதாக அந்த நிறுவனம் அறிவித்துள்ளது.
இதன் மறுவெளியீட்டினை ஒட்டி அதன் பிளேயர்களுக்கு டபுள் ட்ரீட் வழங்கும் வகையில் இந்தியாவின் முன்னணி கிரிக்கெட் வீரரான தல தோனியும் இந்த கேமில் ஒரு கேரக்டராக அறிமுகப்படுத்தப்பட்டுள்ளார். இந்த விளையாட்டின் விளம்பர தூதராக அறிவிக்கப்பட்டுள்ள எம்.எஸ்.தோனி அவர்களை அறிவித்துள்ள இந்த நிறுவனம், தோனி இந்த விளையாட்டின் ஒரு பிளேயபிள் கேரக்டராக இருப்பார் என்று தெரிவித்துள்ளது.
தல என்ற பெயரில் அந்த விளையாட்டில் ஒரு பிளேயராக தோனி அவர்கள் இடம்பெற்றுள்ளார். மேலும், இந்த விளையாட்டின் மறுவெளியீடு குறித்து பேசியுள்ள கேம் டெவலப்பர், இதில் தனித்துவமான கன்டென்ட், பாதுகாப்பான, ஆரோக்கியமான மற்றும் பொழுதுபோக்கு தனமான சூழலை ஏற்படுத்தும் வகையில் இது உருவாக்கியுள்ளதாக கூறியுள்ளார்.
மேலும், இந்திய பயனர்களின் தரவுகளை லோக்கல் சர்வர்களில் பாதுகாப்பாக சேமித்து வைக்கவும், நெட்ஒர்க் சேவைகளை வழங்கவும் Yotta என்ற நிறுவனத்தோடு கைகோர்த்துள்ளது Garena. இந்தியாவின் இணையவழி விளையாட்டு துறையை மேம்படுத்தவும், பாதுகாப்பான விளையாட்டு சூழலை உருவாக்கவும் இந்த மறுவெளியீட்டின் வழியாக உறுதிபூண்டுள்ளதாக இந்நிறுவனம் தரப்பில் தெரிவிக்கப்பட்டுள்ளது.
