வரலாற்று சிறப்புமிக்க மட்டக்களப்பு ஆயித்தியமலை புனித சதாசகாய மாதா திருத்தலத்தின் திருவிழா கொடியேற்றத்துடன் கடந்த ஆகஸ்ட் மாதம் 25 ஆம் திகதி ஆரம்பமானது. நாளை செப்டம்பர் 03 ஆம் திகதி திருவிழா கூட்டுத்திருப்பலி இடம்பெறவுள்ளது.
திருவிழாவிற்கான பாதயாத்திரை இன்றைய தினம் (02.09.2023) பெற்றது. மட்டக்களப்பு மரியாள் பேராலயத்தில் காலை 5.00 மணிக்கு திருப்பலியும் அதனைத் தொடர்ந்து பாதை யாத்திரையும் ஆரம்பமாகியது. இது வவுணதீவூடாக சென்று ஆலயத்தை அடைந்ததுடன் அதே போன்று செங்கலடி புனித நிக்கலஸ் ஆலயத்தில் காலை 5.00 மணி திருப்பலியைத் தொடர்ந்து கரடியனாறு ஊடாகவும் பாத யாத்திரை திருத்தலத்தினை சென்றடைந்தது. இதில் நாடெங்கிலுமுள்ள இலட்சக்கணக்கான பக்த அடியார்கள் கலந்து கொண்டு வழிபாட்டில் ஈடுபட்டுள்ளனர்.
