நடிகர் மாரிமுத்துவின் திடீர் மறைவு திரையுலகினரை அதிர்ச்சியடைய வைத்துள்ளது.
மணிரத்னம், வசந்த், சீமான், எஸ்.ஜே.சூர்யா ஆகியோருடன் இவர் உதவி இயக்குநராக நடிகர் மாரிமுத்து இருந்து வந்தார். சினிமாவில் இருந்து சமீபத்தில் சின்னத்திரைக்கு நடிக்க வந்தார். பிரபல தொலைக்காட்சியில் ஒளிபரப்பாகி வரும் எதிர்நீச்சல் சீரியல் மூலம் ஒரு ரசிகர்கள் பட்டாளத்தை உருவாக்கினார்.
இந்த தொடரில் நடிகர் மாரிமுத்து, ஆதி குணசேகரன் என்ற கேரக்டரில் வில்லனாக நடித்தார்.
மதுரை தமிழில் இவர் பேசும் வசனங்கள் ரசிகர்களை கவரச்செய்தன எனலாம். இந்த நாடகத்தை அனைவரும் பார்க்க தொடங்கியதற்கு முக்கிய காரணமாக இருப்பது இவர் ஒருவர் மட்டுமே என்றும் கூறலாம்.
இந்நிலையில் இன்று அவர் இறந்துவிட்டதாக தகவல்கள் வெளியாகியுள்ளன.
இன்று காலை, டப்பிங் பேசிக் கொண்டிருக்கும் போது, திடீர் மாரடைப்பால் காலமானார் என்று தெரியவந்துள்ளது. இதனால் சினிமா ரசிகர்களை அனைவரும் அதிரிச்சியடைந்துள்ளன என்பது குறிப்பிடத்தக்கது.
