மட்டக்களப்பு சிறைச்சாலை பச்சை நிறத்தில் பள்ளிவாசல் போல இப்பொழுது காட்சியளிக்கிறது இது ஈஸ்டர் தாக்குதல் சூத்திரதாரிகள் மட்டக்களப்பு சிறைச்சாலைக்கு வந்து சென்ற பொழுதுதான் முற்றாக இவ்வாறு மாறியிருக்கிறது என்று வடகிழக்கு ஒன்றிணைந்த சிவில் சமூக செயற்பாட்டாளர் லவக்குமார் தெரிவித்துள்ளார்.
மட்டக்களப்பு ஊடக அமையத்தில் நேற்று (11.09.2023) இடம்பெற்ற ஊடக சந்திப்பில் கலந்துகொண்டிருந்த போதே மேற்கண்டவாறு தெரிவித்தார்.
இதுதொடர்பில் அங்கு செய்தி சேகரிக்க வந்த மட்டக்களப்பு தமிழ் ஊடகவியலாளர் பரபரப்பு தகவலை ஒன்றையும் தெரிவித்திருந்தார்.
எனது தம்பியையும் கடத்தி காணாமல் ஆக்கியது பிள்ளையான் குழுதான் பிள்ளையான் குழுவுடன் இணைந்து செயற்படுமாறு தம்பிக்கு பிள்ளையான் கட்டளையிட்டுள்ளார் அதற்கு அவர் இணங்காத காரணத்தால் அவரை கடத்தி காணாமலாக்கியதாக அவர் தெரிவித்தார்.
தம்பியை கடத்தியதை அடுத்து எனக்கும் கொலை அச்சுறுத்தல் விடுக்கப்பட்டது. அதனால் நானும் தலைமறைவாக வாழ்ந்து வந்தேன் என அவர் தெரிவித்துள்ளார்.
இது தொடர்பாக அவர் மேலும் தெரிவித்த காணொளி!
