காத்தான்குடி கரையோரத்தில் நிலவும் கடலரிப்பை தடுப்பதற்கு கல் வேலி அமைப்பதற்கு 15 இலட்சம் ரூபாய் ஒதுக்கப்பட்டுள்ளதாகத் தெரிவிக்கப்பட்டது. மட்டக்களப்பு காத்தான்குடி கடற்கரையோரத்தில் ஏற்பட்டுள்ள கடலரிப்பை தடுப்பதற்காக நகர அபிவிருத்தி அமைச்சின் வழிகாட்டலில் கரையோர பாதுகாப்பு அபிவிருத்தி இராஜாங்க அமைச்சு துரித நடவடிக்கைகளை ஆரம்பித்துள்ளதாக மட்டக்களப்பு மாவட்ட கரையோர மூலவளங்கள் முகாமைத்துவ திணைக்கள பிராந்திய பொறியியலாளர் முருகேசன் துளசிதாசன் தெரிவித்தார்.
கடலரிப்பு பிரதேசத்தில் சுமார் 80 மீற்றர் நீளத்திலும் மூன்று மீற்றர் ஆழத்திலும் கற்பாறைகளை கொண்டு பாதுகாப்புவேலி அமைக்கப்பட்டு வருவதாகவும் இதற்கென கரையோர பாதுகாப்பு தாழ்நிலங்கள் அபிவிருத்தி இராஜாங்க அமைச்சு முதற்கட்டமாக 15 இலட்சம் ரூபாய் நிதியினை ஒதுக்கியுள்ளதாகவும் அவர் மேலும் தெரிவித்தார்.
