வர்த்தகர் ஒருவரை கொலை செய்யும் நோக்கில் மோட்டார் சைக்கிளில் வந்த இராணுவ சிப்பாய்கள் இருவர் எல்பிட்டியவில் வைத்து 9 மில்லிமீற்றர் பிஸ்டல் துப்பாக்கியுடன் கைது செய்யப்பட்டுள்ளனர் என்று எல்பிட்டி பொலிஸார் தெரிவித்துள்ளனர்.இராணுவ சிப்பாய்களான இருவரும் பாதாள உலக தலைவர் ரத்கமை விதுரவின் உதவியாளர்கள் என தற்போது தெரியவந்துள்ளதாகவும் பொலிஸார் தெரிவிக்கின்றனர்.
பொலிஸாருக்கு கிடைக்கப்பெற்ற தகவலின் அடிப் படையில், குறித்த வர்த்தகரை கொலை
செய்வதற்காக அவரது வர்த்தக நிலையத்துக்கு அண்மையாக வந்த போதே இருவரும் கைது செய்யப்பட்டனர்.கைதான சிப்பாய்கள் இருவரும் விடுமுறையில் வந்து வர்த்தகரை கொல்லும் நோக்கில் அங்கு சென்றனர் என்று அறிய வருகின்றது.
இந்நிலையில் இது தொடர்பான மேலதிக விசாரணைகளை எல்பிட்டி பொலிஸார் மேற்கொண்டு வருகின்றனர்.
