முன்னாள் சுற்றாடல் அமைச்சர் நசீர் அஹமட்டின் ஆசனம் வெற்றிடமாகியுள்ளதாக நாடாளுமன்றத்தின் பொதுச் செயலாளர் குஷானி ரோஹணதீர நேற்று (9) தேர்தல்கள் ஆணைக்குழுவிற்கு அறிவித்துள்ளார்.
இதனால் அந்த வெற்றிடத்திற்கு சிறிலங்கா முஸ்லிம் காங்கிரஸின் மட்டக்களப்பு மாவட்ட பட்டியலின் படி அடுத்த வேட்பாளரை தேர்தல் ஆணைக்குழுவே நியமிக்கும் என தெரிவிக்கப்பட்டுள்ளது.
இந்நிலையில், நசீர் அஹமட்டுக்குப் பிறகு இந்தப் பட்டியலில் இடம் பெற்றுள்ளவர் முன்னாள் நாடாளுமன்ற உறுப்பினர் அலி சாஹிர் மௌலானா ஆவார். அத்தோடு, புதிய நாடாளுமன்ற உறுப்பினர் நியமனம் தொடர்பான வர்த்தமானி அறிவிப்பு விரைவில் வெளியிடப்படவுள்ளதாக கூறப்படுகிறது.
