17 வயதே ஆன தனது மகளின் காதலுக்கு எதிர்ப்பு தெரிவித்த தாயாரை வாளைக் காட்டி எச்சரித்தார் இளைஞர் ஒருவரையும் அவரின் நண்பரையும் மட்டக்களப்பு தலைமையக பொலிஸார் கைது செய்துள்ளனர்.
இந்தச் சம்பவம் தொடர்பில் மேலும் அறிய வருவதாவது,பாடசாலை ஒன்றில் கல்வி கற்றுவரும் சிறுமியை அதே தரத்தில் கல்வி கற்றுவரும் சிறுவன் ஒருவன் காதலித்து வந்துள்ளார் என்று கூறப்படுகின்றது. இதனையறிந்த சிறுமியின் தாயார் காதலுக்கு எதிர்ப்பு தெரிவித்துள்ளார். 17 வயதுடைய காதலனும் அவனது நண்பனும் சேர்ந்து வாள் மற்றும் கூரிய ஆயுதத்துடன் படம் எடுத்து அதற்கேற்றால் போல் சில பாடல்களை பதிவு செய்து ரிக் ரோக்கில் பதிவிட்டு சிறுமியின் தாயாரை அச்சுறுத்தியுள்ளனர்.சிறுமியின் தாயாரின் முறைப்பாட்டையடுத்து இருவரும் கைது செய்ப்பட்டு எச்சரிக்கப்பட்டு விடுவிக்கப்பட்டனர்.
