சிவில் அமைப்புக்களின் ஏற்பாட்டில் மட்டக்களப்பு ஏறாவூர் பகுதியில் அமைதி வழி எதிர்ப்பு போராட்டம் ஒன்று முன்னெடுக்கப்பட்டிருந்தது.
இஸ்ரேலுக்கு எதிராகவும்,பாலஸ்தீன மக்களுக்கு ஆதரவை தெரிவிக்கும் வகையில் இவ் அமைதி கண்டணப் பேரணி முன்னெடுக்கப்பட்டிருந்தது. ஏறாவூர் ஜாமிஉல் அக்பர் பள்ளிவாயலில் இருந்து, ஏறாவூர் மணிக்கூட்டு கோபுர சந்தி வரை இந்த அமைதி வழி பேரணி இடம்பெறட்டிருந்தது.
இக்கண்டன அமைதிப் பேரணியில் பெரும்மளவான பொதுமக்கள் மற்றும் பெண்கள், உலமாக்கள்,
கல்விமான்கள், பொது அமைப்புக்களின் பிரதிநிதிகள் மற்றும் சிவில் செயற்பாட்டாளர்கள்,
சிறுவர்கள் என பலர் கலந்து கொண்டதுடன் விஷேட பிராத்தனையும் இடம்பெற்றது.
மேலும் இக் கண்டன பேரணியில் கலந்து கொண்டோர் ‘கொல்லாதே கொல்லாதே,
பிஞ்சுகளை கொல்லாதே, இஸ்ரேலே உனது மனிதாபிமானம் எங்கே? ,பலஸ்தீன் முஸ்லீம்களின் பூர்வீக பூமி, பலஸ்தீன் மண் பாதுகாக்கப்பட வேண்டும்’ என்ற பதாகைகளையும் ஏந்தி நின்று தங்கள் எதிர்ப்பினை வெளியிட்டனர்.
