மட்டக்களப்பு தேசிய கல்விக் கல்லூரியில் வாணி விழாவானது நேற்று (24) செவ்வாய்க்கிழமை இரண்டாம் வருட ஆசிரியர் பயிலுணர்களின் ஏற்பாட்டில் மட்டக்களப்பு தேசிய கல்விக்கல்லூரியின் பீடாதிபதி த.கணேசரத்தினம் தலைமையில் உப பீடாதிபதிகள், விரிவுரை இணைப்பாளர்கள்,விரிவுரையாளர்கள் கல்லூரியின் உத்தியோஸ்தர்கள் முன்னிலையில் வாணி விழா மிக விமர்சையாக இடம் பெற்றது.
இவ் விழாவில், கலை, கலாச்சாரம்,சார்ந்த நாடகம்,நடனம், பாடல் முதலாம் மற்றும் இரண்டாம் வருட ஆசிரியர் பயிலுணர்களால் அரங்கேற்றப்பட்டது.
அதனைத் தொடர்ந்து இறுதிக்கட்டமாக கல்லூரி வளாகத்துக்குள் விவசாய உற்பத்தி மூலம் அறுவடை செய்யப்பட்ட மரக்கறி வகைகளையும் இணைத்துக் கொண்டு இரண்டாம் வருட ஆசிரியர் பயிலுணர்களால் விழாவில் கலந்து கொண்ட அனைவருக்கும் அன்னதானம் வழங்கப்பட்டு நிறைவு பெற்றது.
