தென்னிந்திய திரைப்படத்திற்கு இசையமைத்த மட்/ புனித மிக்கேல் கல்லூரியின் பழையமாணவர் சகிஷ்னா சேவியர்; குவியும் வாழ்த்துக்கள்!

வல்லவன் வகுத்ததடா படத்தின் டீசர் வெளியாகி, ரசிகர்கள் இடையே நல்ல வரவேற்பைப் பெற்று வருகிறது.

ஃபொகஸ் ஸ்டுடியோஸ் பட நிறுவனம் சார்பில், விநாயக் துரை தயாரித்து இயக்கியுள்ள படம், ‘வல்லவன் வகுத்ததடா’. இதில், தேஜ் சரண்ராஜ், ராஜேஷ் பாலசந்திரன், அனன்யாமணி, விக்ரம் ஆதித்யா, ரெஜின் ரோஸ், ஸ்வாதி மீனாட்சி உள்பட பலர் நடிக்கின்றனர்.

இப்படம் ஒரு க்ரைம் படமாக உருவாக்கப்பட்டுள்ளது. பணம் மட்டுமே வாழ்க்கைன்னு நினைக்கக்கூடிய 5
விதமான மனிதர்கள். அந்த பணத்தால் அவர்களது வாழ்க்கையில் ஏற்படக்கூடிய சம்பவங்கள் அவர்களது
வாழ்க்கை பாதையையே மாற்றிவிடுகிறது.

இப்படத்துக்கு மட்டக்களப்பினை பிறப்பிடமாகக் கொண்ட சகிஷ்னா சேவியர் இசையமைத்துள்ளார். இவர் மட்டக்களப்பு புனித மிக்கேல் கல்லூரியின் பழையமாணவர் என்பது குறிப்பிடத்தக்கது. தற்போது தென்னிந்திய சினிமாவில் மட்டக்களப்பு இளம் கலைஞர்களின் பங்களிப்புகள் இடம்பெற்று வருகின்றமையை காணக்கூடியதாகவுள்ளது.