மஸ்கெலியா சாமிமலை பிரதேசத்தில் காணாமல்போன மூன்று பாடசாலை மாணவர்கள் மட்டக்களப்பு
செங்கலடி பகுதியில் வேலைதேடி சென்ற நிலையில் கண்டுபிடிக்கப்பட்டுள்ளதாக பொலிஸார் தெரிவித்தனர்.
இது தொடர்பில் கருத்து தெரிவித்த மஸ்கெலியா பொலிஸ் அதிகாரி ஒருவர், மஸ்கெலியா கவரவில
வித்தியாலயத்தில் கல்வி கற்கும் 15 வயதுடைய மூன்று மாணவர்கள் வீடுகளை விட்டுகாணாமல் போயுள்ளதாக மாணவர்களின் பெற்றோர்கள் மஸ்கெலியா பொலிஸ் நிலையத்தில் முறைப்பாடு செய்தனர். அந்த முறைப்பாடுகளின் அடிப்படையில் மஸ்கெலியா பொலிஸார் மாணவர்களை கண்டுபிடிக்க தேடுதல்களை மேற்கொண்ட நிலையில் குறித்த மூன்று மாணவர்களும் மட்டக்களப்பு பிரதேசத்தில் காணப்பட்டதாக மட்டக்களப்பு பொலிஸாருக்கு தகவல் கிடைத்தது.
இந்த மூன்று மாணவர்களும் கடந்த 27ஆம் திகதி இரவு 9.00 மணியளவில் மட்டக்களப்பு செங்கலடி பகுதியில் வேலை தேடிச்சென்றபோது மாணவர்களை விசாரித்து மட்டக்களப்பு பொலிஸாரிடம் ஒப்படைத்ததன் பின்னர் மஸ்கெலியா பொலிஸாருக்கு அறிவிக்க நடவடிக்கை எடுக்கப்பட்டது – என்றார். அதன்படி, மூன்று மாணவர்களும் பெற்றோரிடம் ஒப்படைக்கப்படுவார்கள் என்று அதிகாரி மேலும் தெரிவித்தார்.
