வேலோடு மலை முருகன் வருடாந்த உற்சவம் ஆரம்பம்!

ஈழத்துப் பழனி என்று அழைக்கப்படும் சித்தாண்டி வேலோடு மலை முருகன் ஆலயத்தின் வருடாந்த
அலங்கார உற்சவம் நேற்று வியாழக்கிழமை (30) இனிதே ஆரம்பமாகியது. தொடர்ச்சியாக ஆறு நாட்கள்
திருவிழா நடைபெற்று ஏழாம் நாளான ஏப்ரல் ஐந்தாம் திகதி தீர்த்தோற்சவத்துடன் உற்சவம் நிறைவடையவுள்ளதாக, மேற்படி ஆலய தர்மகர்த்தா சுப்பிரமணியம் தியாகராஜா தெரிவித்தார்.

நேற்றுக் காலை 5.30 மணிக்கு சித்தாண்டி பிள்ளையார் ஆலயத்திலிருந்து பாதயாத்திரை ஆரம்பித்து சித்
தாண்டி வேலோடு மலை முருகன் ஆலயத்தை வந்தடைந்ததுடன், நேற்றையதின உற்சவம் சித்தாண்டிப்
பொதுமக்களின் உற்சவமாக நடைபெற்றது.

இந்நிலையில், எதிர்வரும் நான்காம் திகதி ஸ்ரீ மகாவிஷ்ணு ஆலயத்திலிருந்து பாற்குடப் பவனி நடைபெறவுள்ளதுடன், அன்றையதின உற்சவம் வந்தாறுமூலை பொதுமக்களின் உற்சவமாக நடை
பெறவுள்ளது. சித்தாண்டி, மாவடிவேம்பு, கொம்மாதுறை, தேவபுரம், கோரலங்கேணி, வந்தாறுமூலை
மற்றும் ஆலயத் திருவிழாக் குழுவினரால் இந்த ஏழு நாள் திருவிழாக்கள் நடத்தப்படுகிறன. பிரதம
குருவான சிவஸ்ரீ கு.க.அரவிந்தகுருக்கள் தலைமையில் உற்சவம் நடைபெறுவதாகவும், அவர் தெரிவித்தார்.