மட்டக்களப்பு கூழாவடி முதலாம் குறுக்குவீதிக்கு அருகாமையில் சற்று முன்னர் மூன்று பேரடங்கிய இளைஞர்கள் குழுவொன்று வாள்களுடன் ஒருவரை தாக்க சென்றதாக தெரியவருகிறது. முதியவர் ஒருவருடன் ஏற்பட்ட முரண்பாடு காரணமாகவே இச்சம்பவம் இடம்பெற்றதாக அருகிலிருந்த பொதுமக்கள் கருத்து தெரிவித்தனர்.
குறித்த இளைஞர் குழுவிலுள்ள ஒருவர் தான் அரசியல் பின்புலம் உள்ள ஒருவர் என்றும் தன்னை யாராலும் எதுவும் செய்ய முடியாது என கூறியபடி தாக்க முற்பட்டதாக பொதுமக்கள் தெரிவித்தனர். பின்னர் மட்டக்களப்பு பொலிஸ் அதிகாரிகள் அவ்விடத்திற்கு விரைந்தமையால் அங்கிருந்த பதற்ற நிலைமை நீக்கப்பட்டதாக தெரியவருகிறது. மட்டக்களப்பு தலைமையக பொலிஸார் குறித்த சம்பவம் தொடர்பில் தகுந்த நடவடிக்கை எடுக்கும் அதேவேளை இவ்வாறானதொரு சம்பவம் மீண்டும் ஏற்படாமல் இருப்பதனை உறுதிப்படுத்த வேண்டும்.
