உலகக் கிண்ண கிரிக்கெட் தொடரின் நேற்று (10) இடம்பெற்ற போட்டியில் தென்னாபிரிக்க அணி ஆப்கானிஸ்தானை வீழ்த்தி 5 விக்கெட்கள் வித்தியாசத்தில் வெற்றி பெற்றது.
போட்டியின் நாணய சுழற்சியில் வெற்றி பெற்ற ஆப்கானிஸ்தான் அணி, முதலில் துடுப்பெடுத்தாட தீர்மானித்துள்ளது.
இதற்கமைய, அந்த அணி ஓவர்கள் நிறைவில் சகல விக்கெட்டுக்களையும் இழந்து 244 ஓட்டங்களை பெற்றுக்கொண்டது.
அணிசார்பில் அதிகபடியாக அஸ்மத்துல்லா உமர்சாய் 97 ஓட்டங்களை பெற்றுக்கொடுத்தார்.
பந்துவீச்சில், தென்னாபிரிக்க அணியின் ஜெரால்ட் கோட்ஸி 44 ஓட்டங்களுக்கு 04 விக்கெட்டுக்களை கைப்பற்றினார்.
இந்தநிலையில், 245 ஓட்டங்கள் என்ற வெற்றி இலக்கை நோக்கி துடுப்பெடுத்தாடிய தென்னாபிரிக்க அணி 47.3 ஓவர்கள் நிறைவில் 05 விக்கெட்டுக்களை இழந்து வெற்றி இலக்கை அடைந்தது.
அணிசார்பில் அதிகபடியாக, ராஸ்ஸி வென் டெர் டுசென் 76 ஓட்டங்களை பெற்றுக்கொடுத்தார்.
பந்துவீச்சில், ஆப்கானிஸ்தான் அணியின் மொஹம்மட் நபி 35 ஓட்டங்களுக்கு 02 விக்கெட்டுக்களை கைப்பற்றினார்.
