மட்டக்களப்பு திராய்மடு, சுவிஸ்கிராமம் பகுதியில் கஞ்சா போதைப்பொருள் வாங்க சென்ற 17 வயதுடைய சிறுவனை அதே ஊரைச் சேர்ந்த இளைஞர்கள் மடக்கி பிடித்து பொலிஸில் ஒப்படைத்த சம்பவம் இன்று 11 நண்பகல் 12 மணியளவில் இடம்பெற்றுள்ளது.
இது தொடர்பில் தெரியவருவதாவது,
தன்னாமுனையை சேர்ந்த குறித்த சிறுவன் கஞ்சா வாங்குவதற்காக இன்று நண்பகல் மட்டு திராய்மடு கஞ்சா வியாபாரியின் வீட்டுக்கு சென்றுள்ளார். இதனை அவதானித்து கொண்டிருந்த ஊர் இளைஞர்கள், பொதுமக்கள் சிறுவன் கஞ்சாவை வாங்கி கொண்டு வெளியில் வரும்போது மடக்கி பிடித்த சோதனையிட்ட பொது கஞ்சா வைத்திருந்தது தெரியவந்தது.
உடனடியாக சிறுவனை பிடித்து கொக்குவில் பொலிஸாருக்கு அறிவித்த வேளை அவ்விடத்திற்கு வந்த பொலிஸார் அச்சிறுவனை கைது செய்தது மட்டுமல்லாமல், குறித்த வியாபாரியின் வீட்டில் சோதனையும் செய்துள்ளனர்.
குறித்த வீட்டில் போதைப்பொருள் ஏதும் போலிஸுக்கு சிக்காத காரணத்தால் வியாபாரியை விட்டுவிட்டு அந்த சிறுவனை பொலிஸார் கைது செய்து கொக்குவில் பொலிஸ் நிலையத்துக்கு அழைத்து சென்றுள்ளனர்.
