இலங்கையில் தமிழர்கள் எதிர்நோக்கும் நில அபகரிப்புகளுக்கு தீர்வு காணவேண்டியதன் அவசியத்தை
மீண்டும் வலியுறுத்தியுள்ளதாக பிரிட்டன் தெரிவித்துள்ளது.
பிரிட்டனின் தெற்காசிய இராஜாங்க அமைச்சர் அஹ்மட் பிரபு இந்த விடயத்தை
குறிப்பிட்டார்.இலங்கையில் தமிழர்கள் எதிர்நோக்கும் பிரச்னைகள் தொடர்பாக பிரிட்டன் அரசாங்கம் ஐக்கிய நாடுகளின் மனித உரிமைகள் பேரவையில் என்ன விடயங்களை முன்வைத்துள்ளது என்ற கேள்விக்கு பதிலளிக்கும்போதே அவர் இந்த விடயத்தை தெரிவித்தார்.
ஐ.நா. மனித உரிமைகள் பேரவையில், 51-1 தீர்மானத்தை நிறைவேற்றுவதற்கான சர்வதேச முயற்சிகளை ஐக்கியஇராச்சியம் வழிநடத்தியதாக அவர் குறிப்பிட்டார்.இது, இலங்கை தொடர்பாக அறிக்கையிடுவதற்கும் கடந்த கால மனித உரிமை மீறல்களின் ஆதாரங்களை பாதுகாப்பதற்கும், எதிர்காலப்பொறுப்புக்
கூறல் செயல்முறைகளில் பயன்படுத்துவதற்கும், மனித உரிமைகள் ஆணையாளர் அலுவலகத்துக்கு உதவியுள்ளதாக அவர் கூறினார்.
பெப்ரவரியில் இலங்கையின் உலகளாவிய காலமுறை மீளாய்வின்போது வடக்கு மற்றும் கிழக்கில் காணி அபகரிப்பு தொடர்பான பிரச்னைகளுக்கு தீர்வு காண வேண்டியதன் அவசியம் உள்ளிட்ட வலியுறுத்தல்களை பிரித்தானியா வழங்கியது என்றும் அவர் சுட்டிக்காட்டினார்.
