இலங்கையில் தற்போது வங்கிகளின் சேமிப்பு அல்லது நிலையான வட்டி வீதம் தொடர்பான தகவல் ஓன்று முகப்புத்தகம் வாயிலாக அதிகம் பகிரப்பட்டு வருகிறது.
இது தொடர்பில் அந்த பதிவில் தெரிவிக்கப்பட்டுள்ளதாவது,
இலங்கையில் உள்ள வங்கிகளில் நிலையான வைப்பு அல்லது சாதாரண சேமிப்பு கணக்குகளை வைத்திருப்பவர்களுக்கு மாதாந்தம் வட்டி வழங்கப்படுவது வழமை. இந்த வட்டிக்கும் பொருட்கள் சேவைகள் VAT TAX வரி 18 வீதம் விதிக்கப்பட உள்ளது.
உதாரணமாக மாதாந்தம் 10ஆயிரம் ரூபா வட்டி கிடைத்தால் 1800ரூபாவை VAT TAX வற் வரியாக அரசாங்கத்திற்கு செலுத்த வேண்டும். என்பதே ஆகும்.
மேலும் இது தொடர்பில் அந்த பதிவு சுட்டிக்காட்டியுள்ளதாவது,
பெரும்பாலான ஓய்வூதியகாரர்கள் வங்கிகளில் நிலையான வைப்பை செய்து அதில் வரும் வட்டிக்காசிலேயே வாழ்க்கை நடத்துகிறார்கள்.
வெளிநாட்டில் இருந்த நபர் ஒருவர் தனது ஓய்வுகாலப்பணம் ஒரு கோடி ரூபாவை இலங்கையில் உள்ள வங்கி ஒன்றில் நிலையான வைப்பிலிட்டு ஒரு இலட்சத்து 50ஆயிரம் ரூபாவை மாதம் வட்டிப்பணத்தை எடுத்து இலங்கையில் வசித்து வருகிறார்.
அவர் இனிமேல் மாதம் 27ஆயிரம் ரூபாவை வற் வரியாக இலங்கை அரசாங்கத்திற்கு செலுத்த வேண்டும் என்பதே ஆகும்.
அதேசமயம் இது தொடர்பான உத்தியோகபூர்வ அறிவிப்பு ஏதும் இது வரையில் வெளிவரவில்லை என்பதும் குறிப்பிடத்தக்கது.
