ஆழிப்பேரலை அனர்த்தத்தில் அதிகளவிலான உறவுளை இழந்த நாவலடியில் பிரதான நினைவு கூரல் நாவலடி நினைவுத் தூபி வளாகத்தில் நேற்று செவ்வாய்க்கிழமை (26) உறவுகள் கதறியழ உணர்வுபூர்வமாக அனுஷ்டிக்கப்பட்டது.
இந்நிகழ்வில், மட்டக்களப்பு மாவட்ட நாடாளுமன்ற உறுப்பினர்களான இராசமாணிக்கம் சாணக்கியன், கோவிந்தன் கருணாகரம், முன்னாள் கிழக்கு மாகாண சபை பிரதித் தவிசாளர் பிரசன்னா இந்திரகுமார், முன்னாள் கிழக்கு மாகாண சபை உறுப்பினர் இரா. துரைரத்தினம்,முன்னாள் மட்டக்களப்பு மாநகசபை உறுப்பினர்கள், மதத் தலைவர்கள், சிவில் சமூக ஏற்பாட்டாளர்கள் மற்றும் உயிரிழந்தவர்களின் உறவுகள் எனப் பலர் கலந்து கொண்டனர்.
இதன்போது அகல்விளக்கேற்றப்பட்டு, அகவணக்கம் செலுத்தப்பட்டதுடன் கடற்கரையில் உறவுகளின் ஆத்மா இறையடி சேர வேண்டி விஷேட பூசையும் இடம்பெற்றமை குறிப்பிடத்தக்கது.
