மட்டக்களப்பு காத்தான்குடி மில்லத் பெண்கள் உயர்தர பாடசாலையின் முப்பெரும் விழா இன்று காத்தான்குடி ஹிஸ்புல்லா மண்டபத்தில் நடைபெற்றது. பாடசாலையின் அதிபர் ஜெசீமா முஸம்மில் தலைமையில் நடைபெற்ற விழாவிற்கு, கிழக்கு மாகாண முன்னாள் ஆளுநர் கலாநிதி எம்.எல்.ஏ.எம்.ஹிஸ்புல்லா பிரதம விருந்தினராக கலந்து கொண்டார். பாடசாலையின் 95வது ஆண்டு நிறைவு விழா, பரிசளிப்பு விழா, ஆசிரியர் கௌரவிப்பு விழா என்பன இடம்பெற்றன.
பாடசாலை அதிபர் ஜெசிமா முஸமில் பொன்னாடை போர்த்தி நினைவுச் சின்னம் வழங்கி கௌரவிக்கப்பட்டதுடன், பாடசாலை ஆசிரியர்கள், மாணவிகளும் கௌரவிக்கப்பட்டனர். நிகழ்வில் பாடசாலை மாணவிகளின் கலை கலாச்சார நிகழ்வுகளும் இடம்பெற்றன முப்பெரும் விழாவில் மட்டக்களப்பு மத்தி வலயக் கல்வி பணிப்பாளர் அமீர், காத்தான்குடி கோட்டக் கல்வி பணிப்பாளர் ஹக்கீம் உட்பட பலரும் கலந்து கொண்டனர்.
