அரசாங்கத்திற்கு சொந்தமான மில்கோ நிறுவனம் தயாரித்து விநியோகிக்கும் ஹைலேண்ட் யோகர்ட் அதிக இலாபம் ஈட்டுவதற்காக அதன் எடையில் 10 கிராம் குறைத்து விற்பனை செய்வதாக குற்றம் சுமத்தப்பட்டுள்ளது.
முன்னதாக, ஒரு கோப்பை ஹைலேண்ட் யோகர்ட்டின் எடை 90 கிராம் என பதிவாகியிருந்தது. தற்போது யோகர்ட் கோப்பையை சிறியதாக மாற்றாமல் அடிப்பாகத்தை மட்டும் சற்று உள் நோக்கி சென்றவாறு வடிவமைத்து அதில் 10 கிராம் குறைக்கப்பட்டும் அளவு பொதி செய்யப்பட்டுள்ளதாக பொதுமக்கள் விசனம் தெரிவித்துள்ளனர்.
அதற்கமைய, தற்போது ஒரு கப் ஹைலேண்ட் யோகர்ட்டில் 80 கிராம் தயிர் மட்டுமே உள்ளதென தெரிவிக்கப்பட்டுள்ளதுடன், இப்படி 10 கிராம் குறைப்பதன் மூலம் ஒரு கப் யோகர்ட்டில் சுமார் 11.50 ரூபாய் வரை நிறுவனம் இலாபம் ஈட்டுவதாக வாடிக்கையாளர்கள் தெரிவித்துள்ளனர்.
