மட்டக்களப்பில் இருந்து மாகோ சந்தி வரை பயணித்த சரக்கு ரயில் வண்டி வெலிக்கந்தை பகுதியில் பிக்கப் ரக வாகனத்துடன் மோதி விபத்திற்குள்ளானதில் வாகன சாரதி படுகாயமடைந்த நிலையில் பொலநறுவை வைத்தியசாலையில் அனுமதிக்கப்பட்டுள்ளார்.
நேற்று 12 பிற்பகல் வேளை மட்டக்களப்பில் இருந்து புறப்பட்ட சரக்கு ரயில் வண்டி,வெலிக்கந்தைக்கும் வாழைச்சேனைக்கும் இடைப்பட்ட பாதுகாப்பற்ற புகையிரதக் கடவையை கடந்து வடமுனை நோக்கி செல்ல முற்பட்ட வேளை இவ் விபத்து இடம்பெற்றுள்ளதாக வெலிக்கந்தை பொலிசார் தெரிவித்தனர்.
விபத்திற்குள்ளான வாகனம் சேதமடைந்துள்ளதுடன் அதனை அகற்றும் பணியில் பொலிசாரும் புகையிரத திணைக்கள ஊழியர்களும் ஈடுபட்டனர்.இரு மணித்தியாலங்களின் பின்னர் ரயில் அவ்விடத்தில் இருந்து புறப்பட்டதாக பொலிசார் மேலும் தெரிவித்தனர்.
