நடிகர் சிம்புவின் தம்பியும், டி.ராஜேந்திரனின் மகனுமான குரலரசனுக்கு குழந்தை பிறந்துள்ளது. இதனால், சிம்பு பெரியப்பா ஆகியுள்ளார்.
நடிகரும் இயக்குநரும் பாடகருமான டி.ராஜேந்திரனுக்கு சிம்பு, குரலரசன் மற்றும் இலக்கியா என மூன்று பிள்ளைகள் உள்ளனர். குரலரசன், தனது தந்தை மற்றும் அண்ணனுடன் சிறு வயதில் நடித்துள்ளார். குழந்தை நட்சத்திரமாக மட்டும் சில படங்களில் நடித்திருந்த இவர், வளர்ந்த பிறகு வேறு எந்த படங்களிலும் நடிக்கவில்லை. அதன் பிறகு ஒரு படம் மூலம் இசையமைப்பாளராக அறிமுகமானார்.
குரலரசன், கடந்த 2019ஆம் ஆண்டு ஏப்ரல் 26ஆம் தேதி நபீலா என்பவரை திருமணம் செய்து கொண்டார். இதற்காக அவர் சென்னையில் உள்ள ஒரு பிரபல மசூதியில் மதம் மாறினார். இவரது இந்த மதமாற்ற திருமணம், அப்போது பெரிதாக பேசப்பட்டது. குரலரசனின் மனைவி நபீலா தற்போது ஆண் குழந்தையை பெற்றெடுத்துள்ளதாக தகவல்கள் வெளியாகியுள்ளது. தாயும் சேயும் தற்போது நலமுடன் இருப்பதாகவும் கூறப்படுகிறது.
இதற்கிடையில் சிம்பு பெரியப்பா ஆகிவிட்டார், சிம்புவுக்கு எப்போது கல்யாணம் என சிம்புவின் ரசிகர்கள் சமூக வலைத்தளங்களில் கேள்வியெழுப்பி வருகின்றனர்.
