திருகோணமலை மாவட்டத்திலிருந்து 19 வயத்திற்குட்பட்ட இலங்கை மகளீர் கிரிக்கெட் அணிக்கு முதன்முதலாக 15 வயது உடைய இளம் வீராங்கனை தெரிவு செய்யப்பட்டுள்ளார்.
திருகோணமலை சிங்கள மகா வித்தியாலயத்தில் கல்வி பயிலும் விமோக்ஸா பால சூரிய என்கிற மாணவியே தற்பொழுது இலங்கை மகளீர் அணியின் 19 வயதிற்குட்பட்ட கிரிக்கெட் அணியில் தெரிவு செய்யப்பட்டுள்ளார்.
இலங்கை, பங்களாதேஷ், பாகிஸ்தான் ஆகிய நாடுகள் பங்குபற்றும் மும்முனை கிரிக்கெட் தொடரில் விளையாடுவதற்காகவே பங்களாதேஷிற்கு தற்போது பயணமாகியுள்ளார்.
இவர் இதற்கு முன்பு திரு/ அபேபுர மகா வித்தியாலயத்தில் கல்வி கற்றுக்கொண்டிருந்த வேளையில் 14 வயதிலேயே தேசிய அணி குழாமில் சேர்த்துக்கொள்ளப்பட்டார் என்பதுடன் திருகோணமலை அபேபுர மகா வித்தியாலயத்தில் கிரிக்கெட் பயிற்றுவிப்பாளராக கடமையாற்றிய ஜீவராஜா ருபேஷன் என்பவரே விமோக்ஸாவின் ஆரம்ப பயிற்றுவிப்பாளர் என்பதும் குறிப்பிடத்தக்கது.
இதன் முதல் தொடரான இலங்கை – பங்களாதேஷ் அணிகளுக்கிடையேயான போட்டி இன்று 24 இடம்பெற்றது.
இன்று இடம்பெற்ற போட்டியின் புள்ளி விபரம்.
