குரங்குகளுக்கு பதிலாக நாட்டை நாசம் செய்த அரசியல்வாதிகளை விஞ்ஞான ஆய்வுகளுக்காக ஏற்றுமதி செய்யவேண்டும். அரசியல்வாதிகளின் மூளையை உணவிற்கு பயன்படுத்த முடியாது. ஏனெனில் அவர்களுக்கு மூளை கிடை யாது. இவ்வாறு சுற்றாடல்துறை நிபுணர் நயனக ரன்வெல்ல வலியுறுத்தினார். கொழும்பில் செவ்வாய்க்கிழமை செய்தியாளர்களிடம் அவர் இதனைத் தெரிவித்தார். அவர் மேலும் தெரிவித்ததாவது:விவசாயப்பயிர்களுக்குக் குரங்குகளால் பாதிப்பு ஏற்படுகிறது. ஆகவே அதை கட்டுப்படுத்த ஒரு இலட்சம் குரங்குகளை சீனாவுக்கு வழங்க இந்த ஆட்சி தீர்மானித்துள்ளது. சீனாவில் உள்ள மிருககாட்சிசாலைகளுக்கு குரங்குகளை வழங்குவதாகக் குறிப்பிடப்படுகிறது.
ஒரு இலட்சம் குரங்குகளை சீனாவுக்கு வழங்குவதால் விவசாய பயிர்களுக்கு காட்டு விலங்குகளால் ஏற்படும் பாதிப்புக்கு நிரந்தர தீர்வு காண முடியாது.
வன விலங்குகளின் வாழ்விட சூழல் அழிக்கப்படும்போது விலங்குகள் மனித நடவடிக்கைக்கு எதிராக செயற்படும். வனவிலங்குகளின் வாழ்விடத்தை பாதுகாக்க ஆட்சியாளர்கள் கொள்கை அடிப்படையில் உறுதியான திட்டங்களை வகுக்கவேண்டும். ஒரு இலட்சம் குரங்குகள் சீனாவில் உள்ள மிருகக் காட்சிசாலைக்கு தான் உண்மையில் வழங்கப்படுகிறதா என்பதில் பெரும் சந்தேகம் காணப்படுகிறது.
சீனாவில் குரங்கு மூளையை கொண்டு சமைக்கும் உணவு பிரபல்யமானது. உணவு உற்பத்திகளுக்காக குரங்குகள் கோரப்படலாம்.
விஞ்ஞானஆய்வுநடவடிக்கைகளின் இறுதி பரிசோதனைகள் குரங்குகளை கொண்டு முன்னெடுக்கப்படும். மூன்றாம் தலைமுறை ஆய்வு களுக்கு குரங்குகள் பயன்படுத்தப்படும்.
மனிதனுக்கும் குரங்குக ளுக்கும் அறிவியல் ரீதியில் நெருங்கிய தொடர்பு காணப்படுகிறது. ஆகவே விஞ்ஞான ஆய்வுகூடங்களுக்காக குரங் குகள் ஏற்றுமதி செய்யப்படு கிறதா என்ற சந்தேகம் காணப்படுகிறது. குரங்கு களுக்குப் பதிலாக நாட்டை நாசம் செய்த அரசியல்வாதிகளை ஏற்றுமதிசெய்யவேண்டும். மூளை உணவுகளுக்காக அரசியல்வாதிகளை பயன்படுத்த முடியாது. ஏனெனில் அரசியல்வாதிகளுக்கு மூளை என்பதொன்று கிடையாது. அரசியல்வாதிகளை விஞ்ஞான ஆய்வுகளுக்காக பயன்படுத்தினால் நாட்டுக்கு ஏதும் பயன் கிடைக்கும் – என்றார்.
