மட்டக்களப்பில் முக்கிய சம்மேளனங்களின் ஏற்பாட்டில் நாளை இரத்த தான நிகழ்வு !

நாளை வெள்ளிக்கிழமை (21.04.2023) காலை 8.00 தொடக்கம் மதியம் 2.00 மணி வரை பெடினன்ஸ் மண்டபத்தில் (தாண்டவன்வெளி மாதா கோயில் அருகில்) இரத்த தான முகாம் நடைபெறவுள்ளது.

இதனை மண்முனை வடக்கு பிரதேச இளைஞர் கழக சம்மேளனம் மற்றும் மட்டக்களப்பு மாவட்ட சம்மேளனம் இணைந்து ஏற்பாடு செய்துள்ளனர். 2019.04.21 அன்று உயிர்த்த ஞாயிறு குண்டுத்தாக்குதலில் உயிர் நீத்த எம் உறவுகளின் நான்காம் ஆண்டு நினைவாக உதிரம் கொண்டு அஞ்சலி செலுத்தும் வகையில் இந்த இரத்த தான முகாம் ஏற்பாடு செய்யப்பட்டுள்ளது.

இரத்த தானம் வழங்க விரும்புவோர் தங்களது பெயர் தொலைபேசி இலக்கம் என்பவற்றை தெரியப்படுத்துமாறு ஏற்பாட்டு குழுவினர் கேட்டுக்கொள்கின்றனர்.