வடக்கு-கிழக்கு தழுவிய ரீதியில் எதிர்வரும் 25ஆம் திகதி பொது கடையடைப்புப் போராட்டத்துக்கு 7 தமிழ்க் கட்சிகள் ஒன்றிணைந்து அழைப்பு விடுத்துள்ளன.நேற்று தனியார் விடுதியில் இடம்பெற்ற ஊடக சந்திப்பிலேயே இந்த விடயம் தொடர்பில் அறிவிக்கப்பட்டுள்ளது.
வடக்கு -கிழக்கில் பௌத்த, சிங்கள இராணு வமயமாக்கும் நிகழ்ச்சி நிரலுக்கு
எதிராகவும், புதிய பயங்கரவாத எதிர்ப்புச் சட்டத்திற்கு எதிராகவும் இந்த கடையடைப்புப்
போராட்டத்துக்கு அழைப்பு விடுக்கப்பட்டுள்ளது.
இவ் ஊடக சந்திப்பில் தமிழ் மக்கள் கூட்டணியின் தலைவர் சி.வி.விக்னேஸ் வரன், புளொட் தலைவர் சித்தார்தன், இலங்கை தமிழரசுக் கட்சியின் தலைவர் மாவை சேனாதிராசா, ஈ.பி.ஆர்.எல்.எவ் தலைவர் சுரேஷ் பிரேமச்சந்திரன், தமிழ்த் தேசியக் கட்சியின் தலைவர் சிறீகாந்தா, ரெலோவின் ஊடகப் பேச்சாளர் சுரேந்திரன், ஜனநாயகப் போராளிகள் கட்சியின் தலைவர் வேந்தன் ஆகியோர் கலந்துகொண்டனர்.
