இன்று மட்டக்களப்பு நகர் பகுதியில் நாளை வடகிழக்கு முழுவதும் நடைபெறவுள்ள பூரண கதவடைப்பு ஹர்த்தலுக்கு மக்களின் பூரண ஆதரவை வேண்டி இலங்கை தமிழரசு கட்சியினரால் மட்டக்களப்பு நகர் வர்த்தக நிலையங்களுக்கு துண்டு பிரசுரங்கள் வழங்கப்பட்டு கொண்டிருக்கின்றன.
இலங்கை தமிழரசு கட்சியினர் மட்டக்களப்பு மாவட்டத்திலே மட்டக்களப்பு தொகுதி, பட்டிருப்பு தொகுதி, கல்குடா தொகுதி என பிரிந்து துண்டு பிரசுரங்களை விநியோகித்து கொண்டிருக்கின்றார்கள். அந்த வகையில் மட்டக்களப்பு பகுதியிலே மட்டக்களப்பு மாவட்ட முன்னாள் பாராளுமன்ற உறுப்பினர் திரு.அரியநேந்திரன் , மட்டக்களப்பு மாவட்ட முன்னாள் பாராளுமன்ற உறுப்பினர் திரு.ஸ்ரீ நேசன், மட்டக்களப்பு மண்முனை வடக்கு பிரதேச இலங்கை தமிழரசு கட்சியின் தலைவர் திரு.சுகுமார் , முன்னாள் மாநகர சபை முதல்வர் திரு.சரவணபவன் , முன்னாள் மாநகர சபை உறுப்பினர் திரு.மதன் போன்றோர் இத் துண்டு பிரசுரங்களை விநியோகித்தனர்.
