வெல்லாவெளியில் இரண்டரை வயது பச்சிளம் குழந்தை மீது தாக்குதல் மேற்கொள்ளப்பட்டுள்ளதாக பொலிஸார் தெரிவித்தனர். இச்சம்பவத்துடன் தொடர்புடைய ஒருவர் கைதுசெய்யப்பட்டுள்ளார்.
மட்டக்களப்பு, வெல்லாவெளி பொலிஸ் பிரிவுக்குட்பட்ட பகுதியில் தமிழ் மக்கள்விடுதலைப்புலிகள் கட்சி
யின் செயற்குழு உறுப்பினர், மற்றும் அவரது இரண்டரைவயது மகள் மீதே இவ்வாறு தாக்குதல் மேற்கொள்ளப்பட்டுள்ளதாக பொலிஸார் தெரிவித்துள்ளனர்.
வெல்லாவெளி கலைமகள் வித்தியாலய பாடசாலைக்கு முன்பாக தமிழ் மக்கள் விடுதலைப்புலிகள்
கட்சியின் செயற்குழு உறுப்பினர் கோபாலன் பிரசாத் மற்றும் பிள்ளை, மனைவி மூவரும் மோட்டார் சைக்கிளில் பயணித்த போது வழிமறித்து தாக்குதல் நடாத்தப்பட்டுள்ளது. இரண்டரை வயது குழந்தை படு
காயமடைந்த நிலையில் மண்டூர் பிரதேச வைத்தியசாலையில் அனுமதிக்கப்பட்டு அங்கிருந்து களுவாஞ்சிகுடி ஆதார வைத்தியசாலைக்கு கொண்டு செல்லப்பட்டுள்ளது. பின்னர் அங்கிருந்து மேலதிக சிசிச்சைக்காக மட்டக்களப்பு போதனா வைத்தியசாலைக்கு அனுமதிக்கப்பட்டுள்ளது.
இது தொடர்பில் தாக்குதல் நடாத்தியதாக குற்றம்சாட்டப்பட்டுள்ள தமிழரசு கட்சியின் போரதீவுப்பற்று
இணைப்பாளர் வெல்லாவெளி பொலிஸாரினால் கைதுசெய்யப்பட்டுள்ளார். இவர் உள்ளூராட்சிமன்ற
தேர்தலில் போரதீவுப்பற்று பிரதேசசபைக்கு போட்டியிடுகின்றமை குறிப்பிடத்தக்கது.இது சம்பந்தமாக வெல்லாவெளி பொலிஸார் மேலதிக விசாரணைகளை முன்னெடுத்து வருகின்றனர்.
