மட்டக்களப்பு நகரில் உள்ள இந்து ஆலயம் ஒன்றில் சட்டவிரோதமாக வலம்புரிசங்குகளை வியாபாரத்தில் ஈடுபட்ட குருக்கள் ஒருவரை சுமார் இரண்டு கோடி ரூபா பெறுமதியான இரண்டு வலம்புரிச் சங்குகளுடன் நேற்று செவ்வாய்க்கிழமை (19) ஆலயத்தில் வைத்து விசேட அதிரடிப்படையினர் கைது செய்து ஒப்படைத்துள்ளதாக பொலிசார் தெரிவித்தனர்.
முல்லைத்தீவு விசேட அதிரடிப்படையினருக்கு கிடைத்த தகவல் ஒன்றினையடுத்து விசேட அதிரடிப்படைத் தளபதி சிரேஸ்ட பிரதிப் பொலிஸ் மா அதிபர் வருண ஜயசுந்தரவின் ஆலோசனைக்கமைய முல்லைத்தீவு விசேட அதிரடிப்படை முகாம் பெறுப்பதிகாரி தலைமையிலன குழுவினர் சம்பவ தினமான நேற்று பகல் குறித்த ஆலய பகுதியில் கண்காணிப்பில் ஈடுபட்டனர்.
இதன் போது வலம்புரிசங்குகளை விற்பனையில் ஈடுபட்டுக் கொண்டிருந்த அங்கு கடமையாற்றிவரும் குருக்களை மடக்கிப் பிடித்து கைது செய்ததுடன் சுமார் 2 கோடி ரூபா பெறுமதியான 2 வலம்புரிச் சங்குகளை மீட்டனர்.
இதில் கைது செய்யப்பட்ட 52 வயதுடைய குருக்கலையும் கைப்பற்றப்பட்ட சான்று பொருட்களையும் தம்மிடம் ஒப்படைத்துள்ளதாகவும் இவரை நீதிமன்றில் ஆஜர்படுத்த நடவடிக்கை எடுத்துள்ளதாக மட்டக்களப்பு பொலிசார் தெரிவித்தனர்.
