நேற்றையதினம் மட்டக்களப்பு முகத்துவாரம் கடலில் நீராடச்சென்ற மாணவர்கள் இருவர் கடலில் மூழ்கி உயிரிழந்த சம்பவம் ஒன்று பதிவாகியுள்ளது. மட்டக்களப்பு நகர்ப்புற பாடசாலையொன்றில் கல்வி பயிலும் ரோஹித், பிரவின் என்ற மாணவர்களே இவ்வாறு உயிரிழந்துள்ளனர்.
இதில் பிரவின் என்னும் மாணவர் மட்டக்களப்பு இருதயபுரத்தை சேர்ந்தவர் எனவும் ரோஹித் என்பவர் கருவேப்பங்கேணியை சேர்ந்தவர் எனவும் தெரிய வருகிறது. மேலும் இவர்கள் இருவரும் எதிர்வரும் 29 ஆம் திகதி க.பொ.த சாதாரண தர பரீட்சைக்கு தோற்ற இருந்தமை குறிப்பிடத்தக்கது.
