கொழும்பில் சந்தேகத்திற்கிடமான முறையில் உயிரிழந்த நபர் ஒருவரின் சடலம் கண்டெடுக்கப்பட்டுள்ளதாக காவல்துறையினர் தெரிவித்துள்ளனர்.
பண்டாரநாயக்க ஞாபகார்த்த சர்வதேச மாநாட்டு மண்டபத்திற்கு (BMICH) அருகில் நேற்று முன்தினம் (24) குறித்த சடலம் மீட்கப்பட்டுள்ளது.
கறுவாத்தோட்ட காவல்துறையினருக்கு கிடைத்த தகவலின் அடிப்படையில் சடலத்தை மீட்டுள்ளதாக குறிப்பிடப்படுகின்றது.
இந்த நிலையில், உயிரிழந்த நபர் மொரட்டுவ ராவத்தவத்தை பகுதியைச் சேர்ந்த 39 வயதுடையவர் என தெரியவந்துள்ளது.
இதேவேளை, பிரேத பரிசோதனையின் பின்னர் சடலம் உயிரிழந்தவர்களின் உறவினர்களிடம் ஒப்படைக்கப்பட்டுள்ளதாக காவல்துறையினர் குறிப்பிட்டனர்.
குறித்த சம்பவம் தொடர்பான மேலதிக விசாரணைகளை கறுவாத்தோட்டம் காவல்துறையினர் மேற்கொண்டு வருகின்றனர்.
