இரு பேருந்துகள் நேருக்கு நேர் மோதியதில் சாரதி உயிரிழந்த சம்பவம் இன்று 17 காலை இடம்பெற்றுள்ளது.
இது தொடர்பில் மேலும் தெரியவருவதாவது,
கொழும்பிலிருந்து திருகோணமலை நோக்கி பயணித்த ஜெயரூக் என்னும் தனியார் அதி சொகுசு பேருந்து ஒன்றும், மட்டக்களப்பில் இருந்து கொழும்பு நோக்கி பயணித்த றோயல் எக்ஸ்பிரஸ் என்னும் தனியார் அதி சொகுசு பேருந்து ஒன்றும் நேருக்கு நேர் மோதியதில் இந்த விபத்து சம்பவம் இடம்பெற்றுள்ளது.
காலை 2:30 மணியளவில் மல்சிறிபுரவிற்கு அண்மையில் இந்த பேருந்துகள் விபத்துக்குள்ளாகியுள்ளதுடன், ஜபோஷ் என்னும் பேருந்து சாரதி சம்பவ இடத்தில் உயிரிழந்துள்ளார்.
அதேசமயம் விபத்துக்கான காரணங்கள் வெளியாகவில்லை என்பதுடன், குறித்த விபத்தில் சிக்கிய பொதுமக்கள் பலர் வைத்தியசாலையில் அனுமதிக்கப்பட்டுள்ளதாக மேலும் தெரிவிக்கப்படுகிறது.
