மட்டக்களப்பு வாழைச்சேனையில் ஹெரோயின் போதைப் பொருள், கஞ்சா மற்றும் கசிப்பு வியாபாரத்தில் ஈடுபட்ட 6 பேரை நேற்று திங்கட்கிழமை இரவு (12) கைது செய்துள்ளதாக வாழைச்சேனை பொலிஸார் தெரிவித்துள்ளனர்.
பொலிஸாருக்கு கிடைத்த தகவல் ஒன்றினையடுத்து சம்பவதினமான நேற்றைய தினம் இரவு 80 கிராம் ஹெரோயின் போதைப் பொருளை விற்பனை செய்த வியாபாரிகள் 3 பேரை கைது செய்தனர்.
அதேவேளை கஞ்சா வியாபாரத்தில் ஈடுபட்ட ஒருவரை 450 மில்லிக்கிராம் கஞ்சாவுடன் கைது செய்தனர்.
இதனை தொடர்ந்து, கசிப்பு வியாபாரத்தில் ஈடுபட்ட 3 பேரை கைது செய்ததுடன் அவர்களிடமிருந்து 12 ஆயிரம் மில்லி லீற்றர் கசிப்பை மீட்கப்பட்டது.
கைது செய்யப்பட்ட 6 பேரை நீதிமன்றில் ஆஜர்படுத்த நடவடிக்கை எடுத்துள்ளதாக பொலிஸார் தெரிவித்தனர்.
