கிண்ணியா பகுதியில் உள்ள காலாவதியான மருந்து பொருட்களை வைத்திருந்த குற்றச்சாட்டில் நுகர்வோர் பாதுகாப்பு அதிகார சபையினர் முன்னெடுத்த சுற்றிவளைப்பில் 6 தனியார் வைத்தியசாலைகளுக்கு எதிராக வழக்கு தொடரப்பட்டுள்ளதாக திருகோணமலை நுகர்வோர் பாதுகாப்பு அதிகார சபையினர் தெரிவித்தனர்.
இந்த சுற்றிவளைப்பானது இம் மாதம் 12, 18ம் திகதிகளில் மேற்கொள்ளப்பட்டிருந்ததாக திருகோணமலை நுகர்வோர் பாதுகாப்பு அதிகார சபை குறிப்பிட்டுள்ளது.
திருகோணமலை நீதவான் நீதிமன்றத்தில் நேற்றையதினம் இது தொடர்பான வழக்கு தாக்கல் செய்யப்பட்ட நிலையில் தலா 10,000 தண்டப்பணம் விதித்து 10 வருட ஒத்தி வைக்கப்பட்ட சிறைத்தண்டனை விக்கப்பட்டுள்ளது.
மீண்டும் இக் குற்றத்தை செய்தால் 10 வருட தண்டனை வழங்கப்படும் என நீதிமன்ற நீதவான் மன்றில் தெரிவித்தார்.
மேலும், இந்த சுற்றிவளைப்பானது கிண்ணியா பழைய இலங்கை வங்கி வீதி, கிண்ணியா நகர சபை வீதி, கிண்ணியா அல் அக்சா வீதி உள்ளிட்ட வீதிகளில் மேற் கொள்ளப்பட்டிருந்ததாக நுகர்வோர் பாதுகாப்பு அதிகார சபையினர் மேலும் தெரிவித்தனர்.
