இந்தியா முழுவதும் பல்வேறு மாநிலங்களை சேர்ந்த 20 பெண்களை ஏமாற்றி திருமணம் செய்தவர் கைது செய்யப்பட்டுள்ளார்.
இந்தியா முழுவதும் பல்வேறு மாநிலங்களை சேர்ந்த 20க்கும் மேற்பட்ட பெண்களை திருமணம் செய்து ஏமாற்றிய 43 வயது நபர் மஹாராஷ்டிரா மாநிலத்தில் கைது செய்யப்பட்டுள்ளார். மேலும், அவர் விலையுயர்ந்த பொருட்களையும் கொள்ளை அடித்துள்ளார்.
கைதான பிரோஸ் நியாஸ் ஷேக் என்பவர் கடந்த 2015 -ம் ஆண்டு முதல் மகாராஷ்டிரா, மத்தியப்பிரதேசம், உத்தரப்பிரதேசம், டெல்லி மற்றும் குஜராத் உள்ளிட்ட பல்வேறு மாநிலங்களில் உள்ள 20க்கு மேற்பட்ட பெண்களை ஏமாற்றியுள்ளார்.
இந்த சம்பவம் தொடர்பாக கடந்த ஆண்டில் பெண் ஒருவர் புகார் கொடுத்துள்ளார். அதன்படி, பிரோஸ் நியாஸ் ஷேக்கை பொலிஸார் கைது செய்துள்ளனர்.
இவர் மீது புகார் கொடுத்த பெண்ணை மேட்ரிமோனி இணையதளத்தில் பேசி பழகி திருமணம் செய்துள்ளார். அதன்பின்னர் அவரிடம் இருந்து ரூ.6.5 லட்சம் மதிப்புள்ள ரொக்க பணம், மடிக்கணினி உள்ளிட்ட விலை மதிப்புள்ள பொருட்களையும் எடுத்துச் சென்றுள்ளார்.
கைது செய்யப்பட்டவரிடம் இருந்து டெபிட் கார்டு, கிரெடிட் கார்டுகள் மற்றும் நகைகளை பொலிஸார் பறிமுதல் செய்தனர்.
இவர், விவாகரத்தான மற்றும் கணவரை இழந்த பெண்களை குறி வைத்து மேட்ரிமோனியில் பேசி பழகி திருமணம் செய்து பொருட்களை திருடி செல்வதை வாடிக்கையாக வைத்துள்ளார்.
