ஓட்டமாவடி மாஞ்சோலை, பதுறியா நகரில் இரண்டு ரீ 56 ரக துப்பாக்கிகள் மற்றும் ஆயுதங்களுடன் 43 வயது மதிக்கத்தக்க குடும்பஸ்தர் நேற்றிரவு (30) 10 மணியளவில் கைது செய்யப்பட்டுள்ளார்.
பொலன்னறுவ அரலகங்வில விஷேட அதிரடிப்படையினர் மற்றும் பொலன்னறுவ இராணுவப் புலனாய்வுப்பிரிவு ஆகியோருக்கு கிடைக்கப்பெற்ற இரகசியத்தகவலுக்கமைய மேற்கொண்ட சுற்றிவளைப்பு நடவடிக்கையின் போதே ரீ 56 ரக இரு துப்பாக்கி உட்பட வாள் 1,பைனாகுல 1, துப்பாக்கி ரவைகள் 59 மற்றும் மெகசீன் 2 என்பன கைப்பற்றப்பட்டுள்ளன.
குறித்த நபர் கைது செய்யப்பட்டு விசாரணைகள் மேற்கொள்ளப்பட்டு வருவதுடன், கைப்பற்றப்பட்ட பொருட்களையும் சந்தேக நபரையும் நீதிமன்றில் ஆஜர்படுத்த நடவடிக்கை மேற்கொள்ளப்பட்டுள்ளது.
