மட்டக்களப்பு – மாஞ்சோலை பிரதேசத்தில் வைத்து துப்பாக்கிகள் மற்றும் வெடிபொருட்களுடன் கைது செய்யப்பட்ட மௌலவி முன்னாள் விடுதலைப் புலி உறுப்பினர் ஒருவரிடம் இருந்து அவற்றை பெற்றுக்கொண்டுள்ளதாக வாக்கு மூலம் வழங்கியுள்ளார்.
துப்பாக்கி உள்ளிட்ட ஆயுதங்களை மோட்டார் சைக்கிளில் கொண்டு சென்று கொண்டிருந்த போது குறித்த மௌலவி நேற்று (31) விசேட அதிரடிப்படையினரால் கைது செய்யப்பட்டார்.
இதன்படி, சந்தேகநபரிடமிருந்து ரி 56 ரக துப்பாக்கி, மகசீன்கள் மற்றும் 29 தோட்டாக்கள் கைப்பற்றப்பட்டது.
இந்நிலையில் பயங்கரவாத புலனாய்வு பிரிவினரால் மேற்கொள்ளப்பட்ட விசாரணைகளின் போது குறித்த மௌலவி துப்பாக்கிகள் மீது கொண்ட நாட்டம் காரணமாகவும், இஸ்லாமிய மதத்தை பாதுகாப்பதற்காகவும் முன்னாள் விடுதலைப் புலி உறுப்பினர் ஒருவரிடம் இருந்து அந்த ஆயுதங்களை பெற்றுவைத்திருந்ததாக தெரிவித்துள்ளார்.
மேலும் காவல்துறை விசேட அதிரடிப்படை அதிகாரிகள், அவரது சகோதரர் ஒருவரின் வீட்டை சோதனையிட்டதில், மற்றுமொரு ரி 56 ரக துப்பாக்கி ஒன்றும், மகசீன்கள் மற்றும் 30 தோட்டாக்கள் என்பன கண்டுபிடிக்கப்பட்டுள்ளது.
