சர்வதேச இடம்பெயர்வுக்கொள்கை மற்றும் வளர்ச்சிகள் மையத்தினால் (ICMPD) நேற்று (01) ஆள்கடத்தல் விழிப்புணர்வு தினத்தினை முன்னிட்டு, ஒட்டிகளை (Stickers) வழங்கும் பிரச்சார நிகழ்வு மட்டக்களப்பில் இடம்பெற்றது.
இந்நிகழ்வில் சர்வதேச இடம்பெயர்வுக்கொள்கை மற்றும் வளர்ச்சிகள் மையம், புலம்பெயர்ந்தோர் தகவல் மையம், மட்டக்களப்பு பொலிஸ் நிலையம் ஆகியன பங்கேற்றிருந்ததுடன், மட்டக்களப்பு மாவட்ட அரசாங்க அதிபர் திருமதி.ஜே.ஜே.முரளிதரன், இலங்கை தரவுகள் தொடர்பான நியூசிலாந்து தூதுவர் திரு. பிரெட்ஷீல்ட், பிரதேச செயலாளர் மட்டக்களப்பு, மட்டக்களப்பு லியோ கழக தலைவர் பிரகாஷ், உப தலைவர் மனோஜன், உறுப்பினர்கள் மற்றும் பொதுமக்களும் என பலர் கலந்து கொண்டு, மட்டக்களப்பு பேருந்து நிலையம் போன்ற பொது இடங்களிலும் ஒட்டிகள் வழங்கப்பட்டன.
அதேசமயம் இதில் சட்டவிரோதமாக வெளிநாடுகளுக்கு செல்லுதல், அதின் பாதிப்புக்கள் பற்றி தெளிவாக விளக்கமும் பொதுமக்களுக்கு வழங்கப்பட்டமை குறிப்பிடத்தக்கது.
