இலங்கைக்கு இறக்குமதி செய்ய தடைசெய்யப்பட்ட விவசாயத்திற்கு பயன்படுத்தப்படும் இரசாயனத் திரவத்தை காரில் கொண்டு சென்ற இரு சந்தேக நபர்கள் திவுலப்பிட்டிய பொலிஸாரால் கைது செய்யப்பட்டுள்ளனர்.
திவுலபிட்டிய பொலிஸ் நிலைய அதிகாரிகளுக்கு கிடைத்த தகவலின் அடிப்படையில் மேற்கொள்ளப்பட்ட சுற்றிவளைப்பின் போதே சந்தேக நபர்கள் கைது செய்யப்பட்டுள்ளனர்.
சந்தேக நபர்களிடமிருந்து தடை செய்யப்பட்ட விவசாய இரசாயனங்கள் அடங்கிய தலா 05 லீற்றர் கொண்ட 20 இராசயன போத்தல்கள் பொலிஸாரால் கைப்பற்றப்பட்டுள்ளன.
கைது செய்யப்பட்ட சந்தேக நபர்கள் நுவரெலியா மற்றும் கொனவெல ஆகிய பிரதேசங்களைச் சேர்ந்தவர்கள் என தெரியவந்துள்ளது.
இது தொடர்பான மேலதிக விசாரணைகளை திவுலப்பிட்டிய பொலிஸார் மேற்கொண்டு வருகின்றனர்.
